Vigo-Cies-Vigo

Ruta guiada con biólogo mariño que informará das actuacións a seguir nas Illas Cies para que a nosa presenza cause o menor impacto ambiental posible sobre as mesmas. Poñerase especial atención na xeración de residuos e o medio mariño, por exemplo adoptaranse as seguintes medidas:

• Recoller e depositar os papeis e residuos nos colectores do lixo habilitadas, evitará que o vento os disperse.
• Manter a area e as rochas limpas de todo tipo de restos.
• De comer na praia, recoller os restos de comida.
• Evitar as accións que deterioran a calidade do auga.
• Na beira e ao bañarse, deberase respectar a fauna e a flora.
• Ao se mergullar, coidar do medio mariño.

No parque nacional dispoñeremos, a parte do noso guía, dun guía do propio parque nacional das illas atlánticas para coñecer os segredos do parque e unha das mellores praias do mundo así como a fauna e flora que nas Illas Cíes podemos atopar.

Con respecto á fauna, as illas albergan unha das colonias máis numerosas de Gaivota Patimarela de Europa, a máis nutrida de España de Corvo Mariño Cristado, as parellas pioneiras de Gaivota Escuras, e cos últimos especimenes sedentarios de Arao dos Cons moi abundante outrora pero hoxe en día case extinguida tanto nas Illas Cíes como na propia Illa de Ons. Isto é debido a que é unha especie sumamente sensible e non soporta ser molestada ou asustada durante a cría, polo que adoita abandonar a miúdo os seus pitiños e son moi hipersensibles á contaminación mariña. Por iso o importante das explicacións do noso guía en relación ás medidas a adoptar para a súa protección e conservación. Existen varias casetas de observación, desde as cales poderemos contemplar esta incrible fauna.

A flora predominante entre outras especies son o Piñeiro e o Eucalipto. Entre os arbustos predominan o Toxo, a Xara e a Silveira. De todas as plantas, a máis importantes son as que se dan en dunas e acantilados, xa que son as plantas pioneras e de maior valor debido a que únicamente danse neste medio e son moi escasas. En todo momento faremos caso das indicacións do noso guía para a preservación da flora das dunas, tomando medidas básicas como transitar únicamente polo perímetro e pasarelas deliminatas para ese efecto.

Cando as condicións meteorolóxicas nolo permítan, procederase a Navegación a Vela xa que no mundo presente, onde a gran maioría das cousas móvense debido a queima de combustibles fósiles, sendo esta a principal causa do cambio climático, a enerxía eólica é unha alternativa ecolóxica e a navegación a vela unha actividade recreativa saudable e apaixonante.